Leu-blog

seint skrifa sumir en skrifa þó

Sun, 10 Sep 2006 17:01:39 GMT

Jæja er komin tími til að blogga eða hvað, ég ekki búin að vera neitt að nenna þessu í sumar. En síðan síðast er mikið búið að gerast hjá mér. En ég vill byrja á því að óska Magnúsi Darra bróðir til hamingju með afmælið á þriðjudaginn síðasta. Guð minn góður hann er orðin 15 ára gamall og er að fara í framhaldsskóla á næsta ári, hvað er ég eiginlega orðin gömul ???

Við fórum til Calpe á Spáni þann 26. júní með tengdó, Gunnari, ömmu hans Jóhannesar, og tveimur frænkum hans. Það var rosalega gaman, mjög heitt en mjög skemmtilegt. Þegar við komum heim frá Spáni var Sif systir komin til landsins og var æðislegt að sjá hana. Jóhannes fór beint á Ísafjörð bara daginn eftir að við komum heim. Það var algjört æði að hafa Sif hjá sér í sumar.

Telma fór svo vestur til mömmu og pabba, hún var þar í tvær vikur. Því að leikskólinn lokaði 17. júlí en ég fór ekki í frí fyrr en 1. ágúst. Hún naut þess sko að vera í sveitsælunni hjá mömmu og þeim enda dekrað svoleiðis við hana.

Ég og Sif nutum þess að vera bara tvær heima á meðan og höfðum frænkukvöld, fórum kvöldrölt á laugarveginn, og hengum saman alla daga ekkert smá næs.

Við skelltum okkur svo á Sandaragleðina, Jóhannes kom líka. Það var tekið rosalega vel á móti okkur eins og alltaf með humarsúpu að hætti pabba. Svo á laugardeginum þá fórum við í röstina, því þarf var markaður. VIð kíktum svo aðeins á ömmu og afa. Og svo um kvöldið þá var partý aldarinnar í bílskúrnum hjá mömmu og þeim. Þar komu allir saman í götunni og grilluðu saman. Síðan var skellt sér á ball og allir dönsuðu af sér skóna. Daginn eftir þá vorum við bara í rólegheitum í sólinn og fórum seint af stað suður.

En svo fór ég vestur á Ísafjörð 1. ágúst og var þar allann ágúst, það var nú pínu skrítið að vera ekki heima hjá sér neitt í sumarfríinu en það var alveg geggjað vera loksins saman öll á ný. En við gerðum alveg helling á Ísafirði, Sif, mamma, pabbi, Magnús og Gils komu til okkar, þau fóru í Kajak með Jóhannesi, við fórum út að borða, fórum að veiða og rúntuðum alveg heilan helling með þeim. Svo komu líka Ragnheiður og Bessi til okkar, við fórum líka að veiða með þeim, skoðuðum helling. Svo komu Gerður og Oliver Nói, við fórum með þeim á mýrarboltann sem var heljarinnar fjör að sjá, við skoðuðum helling með þeim líka.

Annars var voða fínt á Ísafirði, Jóhannes var auðvitað alltaf að vinna þannig að við nutum þess bara að vera saman á daginn ég og Telma, við fórum út að labba mikið og á róla. Við gerðum svo eitthvað skemmtilegt þegar Jóhannes kom heim á daginn. Við vorum dugleg að fara á Suðureyri í útisundlaugina sem er þar, einnig fórum við í fjöruferð, og fórum uppá Bola stóra fjallið hjá Bolungarvík, við fórum auðvitað að veiða, og svo fórum við inní skálavík. Okkur var svo boðið í matarboð til Þorsteins yfirlæknis á Ísafirði og fjölskyldu hans. Þar voru allir læknarnir, makar og börn saman komin og áttum við frábært kvöld með þeim. Við komum svo heim 25. ágúst, keyrðum heim eftir vinnu hjá Jóhannesi og það var rosalega gott að koma heim. Þegar við komum heim þá var Sif hjá okkur, mamma og pabbi. Það var æðislegt að sjá þau öll.

26. ágúst fór svo Sif til Köben, og það var rosalega leiðinlegt að þurfa að kveðja hana svona snemma eftir að við komum heim . En svo skelltum við okkur til Köben á mánudeginun þann 28. ágúst. Við fórum öll 3 og það var alveg geggjað. Við vorum voða heppin með veður. Það var verslað þó nokkuð, og farið í dýragarðinn og Bonbonland, Telmu fannst alveg geggjað að koma til Sifjar og loksins fengum við að sjá hana Fóu, sem er svo mikil dúlla. Telma gat ekki litið af henni, hún var allann tímann Fóa mín elsku Fóa mín heheh. Enda er hún alltaf núna heima mamma hvernær förum við aftur til Sifjar og Fóu, myndi sko vilja búa þar. Við vorum hjá henni í 6. daga og komum heim sunnudaginn 3. sept. Svo á mánudeginum tók við skóli. vinna og leikskóli hjá okkur öllum. Við þökkum Sif bestu frænku fyrir frábæran tíma saman.

En þið sem að ekki vitið þá eigum við von á öðru barni, Telma er að verða stóra systir. En ég er sett 6.des og getum við ekki beðið. Það hefur allt gengið rosalega vel nema að mér var pínu flögurt fyrstu mánuðina. En núna gengur þetta eins og í sögu.

Það er búið að vera pínu erfitt að koma sér í vinnugírinn eftir sumarfríið, en þetta er nú allt að koma hjá okkur. En ég er að fara í endajaxlatöku á föstudaginn næsta og er að deyja yfir því enda búið að hræða mig verulega mikið. En ég vona að þetta takist nú vel. En það er voða gott að vera komin heim öll saman og komin aftur í rútinuna.

Jæja ég ætla ekki að hafa þetta lengra í bili.
Enda orðið ágætis lengd á einu bloggi
kveðja Lea bumba

Grasekkja

Tue, 06 Jun 2006 13:28:04 GMT

Jæja þá læt ég aðeins heyra í mér. Jóhannes er farin til Ísafjarðar og er búin að vera í viku á morgun. Ég og Telma fórum á föstudaginn til hans og lentum í því að bíða í heila 6 tíma, það var sem sagt seinkun vegna verðurs. Alveg ekta fyrir okkur. En við komumst loksins til Ísafjarðar. En við áttum rosalega góða helgi saman. Keyrðum útum allt, skoðuðum Bolungarvík, Súðavík, Flateyri, Suðureyri og Þingeyri. Það var rosalega gaman að skoða þessa staði. En annars vorum við bara að njóta þess að vera saman. En það var ekki auðvelt að fara heim í gær. Ekki gaman að þurfa að kveðja. En svona er þetta. En ég get ekki beðið eftir því að fara alveg til hans í ágúst þegar við förum í sumarfrí. En við komum aftur heim með síðast flugi í gær. Telmu fannst voða gaman í fluginu og var ekkert hrædd. En svo erum við að fara til spánar eftir 20 daga þá verðum við nú saman í heila viku. En ég hafði ekki ímyndað mér að það yrði svona erfitt að vera aðskilin. En þetta verður nú fjótt að líða. Svo kemur Sif systir 25. júní og ég get ekki beðið. Gunnar á afmæli í dag, til hamingju með það. Jóhannes kemur til okkar á föstudaginn. En svo eigum við líklega ekki eftir að hittast fyrr en 25. júní aftur. Guð það verður erfitt að bíða svona lengi eftir að sjá ástina mína aftur. HEhe ein orðin pínu væmin. En það er bara ég. Íbúðin hans er voða fín og aðstaðan mjög góð. Þetta er rosalega spennandi starf hjá honum. Telma var pínu hissa að koma heim til pabba eða í íbúðina hans pabba. Er ekki vön að hann eigi ekki heima hjá okkur nema á helgum. Þannig að hún verður smá stund að venjast þessu. En ég ætla ekki að hafa þetta lengra í bili kveðja lea ofurbloggari

Bloggi bloggi blogg

Wed, 26 Apr 2006 14:18:00 GMT

Jæja ég er ekki alveg að standa mig í þessu bloggi, enda hef ég ekki mikið að segja svo sem. Ég átti afmæli í síðustu viku eða 18. apríl. Það var voðalega notalegt. Var með smá kaffi og engum var boðið heldur komu bara nánusta fjölskylda og vinir. Ég fékk nokkrar afmælisgjafir, alltaf gaman að fá pakka.

Jæja nú er apríl alveg að verða búin og Jóhannes fer á Ísafjörð eftir rúman mánuð. Sif systir kemur svo ekki fyrr en í lok júní þannig að ég og Telma verður bara einar heima í júní. Svo förum við auðvitað til Calpe á Spáni 26. júní ohh það verður rosalega gaman að fara til útlanda í smá afslöppun. Svo þegar við förum í sumarfrí í ágúst þá förum við á Ísafjörð til Jóhannesar. Það verður spennandi en öðruvísi. ;)

Annars veit ég ekkert hvað ég á að segja, er alveg tóm af hugmyndum fyrir bloggið hehe jæja ég bið bara að heilsa kveðja Lea

Ísafjörður verður það

Fri, 07 Apr 2006 12:50:19 GMT

Sumarstarfið komið á hreint

Jæja þá er það komið á hreint að Jóhannes fer á Ísafjörð í sumar að vinna sem læknir. Hann fer 1. júní og kemur heim 31. ágúst. Við ætlum að reyna að hittast um hverja helgi. Ég og Telma förum sem sagt aðra hvora helgi og hann kemur hinar. En svo förum við í sumarfrí allan ágúst þá ætlum við að fara alveg til hans. Þetta er voða spennandi en það er ekki spennandi að vera aðskilin en þetta er fljótt að líða, sem betur fer.

Svo með Spánarferðina okkar í lok júní, þá er alls ekki víst að hann komist með okkur. Ekki mjög líklegt að hann fái frí en hann ætlar að gera allt sem að hann getur til að fá frí. Ég bið til Guðs að hann komi með okkur.

Ekki mjög spennandi að fara á hans. En mamma og strákarnir komu í gær suður. Pabbi kemur svo á sunnudaginn en þau eru að fara til Köben á mánudaginn. OHH ég ætla ekki að segja ykkur hvað mig langar að fara með. En við litla fjölskyldan ætlum að vera bara í rólegtheitum og hafa það rosalega gott saman.

Á miðvikudaginn þá var danssýning í leikskólanum og Telma stóð sig rosalega vel. Stolt mamma hér á ferð, auðvitað mætti mamman með videovélina og allt fest á filmu. En það var nú líka því að Jóhannes komst ekki. En svo í gær þá var opið hús á leikskólanum og fórum við auðvitað og tengdamamma kom líka. Þar sungu börnin fyrir okkur og ég tók það auðvitað líka upp. Og svo var listaverkasýning barnanna og maður átti að kaupa myndirnar þeirra á 100 kr stk þetta var fjáröflun fyrir foreldrafélagi. Stór skemmtilegt. En við keyptum einhverjar 9 myndir og líka kertastjaka. Og svo keypti tengdó líka eitthvað. Það var allt týnt niður af veggjunum sem við fundum.

Annars er ekki mikið að frétta af okkur. En við bíðum bara eftir páskunum, að komast í smá frí. Helgina eftir páska ætlum við að skella okkur á Akureyri með mömmu og þeim. Gils bróðir er að fara að keppa í blaki og ætlum við að gera eitthvað skemmtilegt saman þessa helgi.

En ég læt heyra í mér sem fyrst aftur kveðja lea

smá færsla

Tue, 04 Apr 2006 10:18:06 GMT

Jæja þá sest mín aðeins niður og skrifar. En það er ekki mikið að frétta. Við skelltum okkur vestur á helginni og það var rosalega kósý hjá okkur eins og vanalega þegar við förum við mömmu og pabba.

Á þar síðustu helgi fengum við prinsinn þeirra Gerðar og Auðuns í heimsókn til okkar. Við vorum að passa hann allann daginn og fannst Telmu það ekki leiðinlegt. Hann er svo sætur þessi elska. Það eru nokkrar myndir af þeim saman á heimasíðunni hennar Telmu.

Nú fer að koma að því að Jóhannes velji sér stöðu fyrir sumarið. Hann á að velja á fimmtudaginn og er hann númer 6 í röðinni að velja. En hann er mikið að spá í Ísafjörð en það eru nokkir staðir sem að koma til greina, þetta er rosalega spennandi. En hann verður úti á landi í allt sumar, ég og Telma förum svo til hans þegar við förum í sumarfrí og auðvitað á helgum. En það eru spennandi tímar framundan hjá okkur.

Svo erum við aðeins byrjuð að plana brúðakaupið okkar sem að verður á næsta ári. En við erum voða spennt að láta pússa okkur saman. Og Telma getur ekki beðið eftir að giftast. Því við erum sko öll að fara að gifast. hehe.

Mamma, pabbi og stákarnir eru að fara til köben á páskunum og mig langar svo að fara með. En svona er þetta bara. Ég sakna hennar systu svo mikið.

Svo á ég afmæli eftir 14 daga. Elska að eiga afmæli. En þá verð ég 26. ára gömul vá hvað þetta líður hratt.

Á morgun þá er ég að fara á danssýningu hjá Telmu í leikskólann og það er svo spennandi, hún er búin að vera í 6 vikur að læra dans og svo á að sýna foreldrum á morgun, hún er búin að vera að æfa sig heima. Hehe algjör dúlla. En á næstu helgi þá er Arnar frændi að fermast og ég verð líklega að hjálpa til alla helgina. En svo ætlum við að vera heima alla páskana og slappa af.

Jæja ég ætla að segja þetta gott í bili kveðja Lea ofurbloggari hehe

Til hamingju með afmælið

Mon, 13 Mar 2006 09:30:22 GMT

Hún á afmæli í dag, hún á afmæli í dag, hún á afmæli hún Telma, hún á afmæli í dag.

Elsku dúllan mín til hamingju með daginn. Orðin 4. ára gömul. En við vorum með afmæli á laugardaginn eitt kl 13 og hitt kl 18. Það var algjört fjör endilega skoðið myndir á heimsíðunni hennar Telmu.Við erum heima í fríi í dag, og ætlum að nýta daginn voða vel saman. En ég skrifa fljótlega aftur kveðja Lea

Glötuð í þessu bloggi

Tue, 07 Mar 2006 16:48:08 GMT

Jæja eftir smá pressu þá hef ég ákveðið að skrifa eitthvað hérna. En ég er ekki alveg að meika það í þessu bloggi.

Það er sko ekki mikið að frétta af okkur, nema að Telma sæta á afmæli á mánudaginn 13. mars og það er allt á fullu að plana afmælisveisluna sem verður á laugardaginn. Hún vaknar á hverjum morgni með því að segja mamma er það í dag sem ég á afmæli, orðin frekar mikið spennt þessi elska.

En mamma og þau komu til okkar helgina 24 feb til 26 feb og var rosalega notalegt að fá þau í bæinn. Við fórum svo í afmæli til Valdísar frænku á laugardeginum. Og ætluðum við ekki að vera neitt rosalega lengi en við vorum við að tjútta með mömmu og pabba til að verða 4 um nóttina rosa stuð á okkur. En síðasta helgi var nú bara afslöppun út í eitt, allavega hjá mér og Telmu en Jóhannes var að gera fyrirlestur. En ég er búin að vera rosalega dugleg í ræktinni er geðveikt stolt af mér. En maður verður að taka sig aðeins í gegn.

Skemmtilegt að lesa hérna í klukkinu að neðan hvað fólk hafði um mig að segja hehe. En endilega fleiri að skrifa ég mana ykkur til að gera það. En verið þið nú dugleg að skrifa í gestabókina mína hehe kveðja lea

Annað klukk

Tue, 21 Feb 2006 13:20:11 GMT

Annað Klukk, endilega svarið þessu, gaman gaman

1. Hver ert þú?
2. Erum við vinir?
3. Hvenær hittumst við fyrst og hvernig?
4. Hefurðu komið í heimsókn til mín?
5. Ertu með ofnæmi fyrir hundum ?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkiru mig?
13. Hvenær sástu mig síðast?
14. Hefur þig einhvern tímann langað til að segja mér eitthvað en ekki getað það?
15. Ætlaru að setja þetta á bloggið þitt svo ég geti skrifað um þig.

Verið nú dugleg kveðja Lea

Klukk klukk

Mon, 20 Feb 2006 13:42:23 GMT

Ég var klukkuð jibbííí

4 störf sem ég hef unnið við

SPRON

Sparisjóður Ólafsvíkur

Hraðbúð Essó

11-11 með skóla

4 myndir sem ég gæti horft á aftur og aftur

My Best Friend\'s Wedding

Pretty Woman

Notting Hill

Dirty Dancing

4 staðir sem ég hef búið á

Hellissandi

Garðabæ

Breiðholt

Grafarvogur

4 sjónvarpsseríur sem mér líkar

Sex and the city

The O.C

One tree hill

Desperate houswives

4 staðir sem ég hef heimsótt í fríum

Spánn – Barcelona

Grikkland- Aþena

USA – Florida

Danmörk - Köben

4 síður sem ég heimsæki daglega

Bloggið hennar Sifjar

Síðuna hennar Telmu sætu

Bloggið mitt auðvitað

Morgunblaðið (MBL)

4 matarkyns sem ég held upp á

Hamborgarahryggurinn hjá pabba

Heimatilbúin pizza

Kjúklingur (Allskonar)

Kjúklingasalat

4 staðir sem ég vildi heldur vera á núna

Heima með Telmu og Jóhannesi

Á Hellissandi í heimsókn hjá mömmu og pabba

Í Köben hjá Sif

Á sólarströnd í afslöppun

Ég ætla að klukka Sif sætu systir mína, Söru sætu frænku, Höllu pæju og Möggu pæju

Góða skemmtun stelpur

Kveðja Lea

komin tími á smá blogg

Tue, 07 Feb 2006 09:48:59 GMT

Góðan daginn !!

Jæja ég ætla að eyða kaffitímanum mínum í það að blogga. En það er allt fínt að frétta af okkur. Jóhannes á fullu í prófum, fór í eitt gær og svo er annað á föstudaginn.

Telma er að verða 4. ára eftir rúman mánuð, þá verður svaka prinsessupartý, hún tala ekki um neitt annað. Ég er búin að vera á fullu í ræktinni, þetta er fimmta vikan mín, ég er geðveikt stolt af mér, hehe nú er bara að halda að í púla.

Við erum að fara á þorrablót í fjölskyldunni hans Jóhannesar á laugardaginn það verður voða gaman. Svo er Idolið nátturulega byrjað á fullu og við fórum í Idolpartý til ömmu hans Jóhannesar á föstudaginn síðasta það var voða kósý. En við missum aldrei af því.

Hvað finnst ykkur um hana Silvíu Nótt ?? Mér finnst hún algjör snilld, mér finnst að hún eigi eða verði að fara út fyrir okkar hönd. Hún á eftir að vinna. hehehe,. En talandi um þessa keppni, rosalega eru mörg leiðinlegt lög í henni. Maður hafði það á tilfinningunni að þetta væri keppni í leiðindum þangað til að Silvía mætti á svæðið. Hehe gaman að því. Telmu fannst fötin hennar svo flott, enda sjúk í bleikt.

En annars er ekkert mikið að frétta af okkur. Bara vinna, sofa og borða. En ég blogga vonandi sem fyrst aftur kv Lea

Tilraun 2

Mon, 16 Jan 2006 16:47:25 GMT

Ég var voða dugleg að skrifa inn færslu hérna og það datt allt út hjá mér. Var ekki sátt þannig að ég nennti ekki að skrifa aftur, en núna er ég komin.

Það er allt fínt að frétta af okkur. Við erum aðeins farin að plana brúðkaupið sem verður eftir 20. mán eða svo 8|. En það er bara vegna þess að þjóðfélagið er svo brjálað, og mikil pressa að panta með nógu miklum fyrirvara. En svo vorum við búin að ákveða kirkjuna nei nei þegar ég hafði samband og ætlaði að panta þá var mér tilkynnt það að ég gæti ekki pantað fyrr en í lok sumars. Þannig að við getum nú aðeins farið að slaka á. Og pælt í þessu í sumar.

En Telma er að verða 4 ára eftir 2 mánuði, guð minn góður hvað tíminn líður hratt og ég eldist ekkert. Jóhannes er búin að vera að smíða sjónvarpsskáp, sem er æðislegur, þið verðið að koma bara í heimsókn til okkar til að sjá hann. En hann er svo mikill snilli þessi elska. En honum gekk rosalega vel í prófunum eins og alltaf.

Við erum að fara til spánar í júní í tilefni af afmæli tengdamömmu. Það verður alveg geggjað að sleikja sólina aðeins. Telma er þá að fara í fyrsta skipti til útlanda. Rosalega spennandi.

Gerður frænka og Auðunn voru að eignast æðislegan prins á gamlársdag til hamingju með það elskurnar. Ég er alltaf í heimsókn hjá þeim að knúsa lilta frænda. Guð hann er svo litill og sætur. :lol: Telma sagði við mig í gær þegar við vorum í heimsókn hjá þeim, mamma af hverju getur þú ekki verið mamma hans. Hann er svo sætur. Hehehehehe ein sem að bíður eftir litlu kríli.

Sif systir auðvitað farin aftur út og við söknum hennar rosalega mikið, vildum að hún væri aðeins nær okkur. Annars er ekki mikið meira að frétta af okkur.

skrifa fljótlega aftur kveðja lea

árið 2006 komið

Sat, 07 Jan 2006 19:28:09 GMT

Jæja þá er best að segja aðeins frá jólnum okkar. Við fórum vestur á afmælinu hennar Sifjar þann 22. des og keyrðum útaf en sluppum alveg rosalega vel og bíllinn okkar líka. En pabbi þurfti að kom okkur til hjálpar. En þetta fór betur en á horfðist. En þegar við komum loksins á Sandinn þá beið okkur þessi frábæra humarsúpa með öllu tilheyrandi. UMMMMMMMMM nammi namm. En svo um kvöldið þá skeyttum við jólatréið. En svo á Þorláksmessu þá var bara voðalega kósý hjá okkur, við systur fórum að bera út jólakortin og svo var haldið á happadrættið og svo beint í skötuveislu hjá ömmu og afa. Það eru sko ekki komin jól hjá okkur fyrr en eftir skötuátið. En svo um kvöldið þá fórum við mæðgur sem sagt mamma, ég og Sif á rúntinn, fórum í pakkhúsið og fengum okkur kaffisopa voða kósý hjá okkur. Svo á aðfangadag þá átti prinsinn á bænum hann Jóhannes minn afmæli. Og það var afmælismatur í hádeginu og nokkrir pakkar. En svo var aðfagnadagur alveg frábært, rosalega rólegt og kósý hjá okkur. En guð minn góður hvað voru margir pakkar. Og þökkum við öllum rosalega vel fyrir okkur. Takk takk. En Telma greyið var voðalega óheppin ásamt Magnúsi bróður að vera veik á þorláksmessu. En við fórum svo suður aftur 27. des því ég þurfti að fara að vinna 28. des mikið fjör mikið gaman eða þannig.

Áramótin voru mjög fín hjá okkur, við vorum hjá móðurfjöldkyldu Jóhannesar. Við vorum komin heim um 1 leytið voða róleg á því. En þetta var bara rólegt og gott hjá okkur. En svo byrjaði vinnan á fullu 3. jan. En í dag á Birna sæta frænka mín afmæli hún er orðin 20 ára þessi elska. Við viljum öll hérna í Fannafold óska þér innilega til hamingju elsku Birna okkar.

Smá annáll fyrir árið 2005

Ég varð 25 ára

Telma varð 3ja ára

Jóhannes varð 28 ára (hehehe gamli maðurinn)

Við fluttum í júní í nýja íbúð

Magnús og Gils fermdust

Við fórum til Aþenu og Köben

Ég fékk bónorð og brúðkaup ákveðið í kjölfarið

Ég eignaðist sætasta frændann síðasta dag árisins

Þetta var bara alveg frábært ár hjá okkur. Og árið 2006 leggst bara vel í okkur.

Jæja þetta er orðið voða langt hjá mér þannig að ég ætla að láta þetta dugá núna bæjó kveðja lea

Hún á afmæli í dag, hún á afmæli hún Sif, hún á ........................................

Thu, 22 Dec 2005 09:42:09 GMT

Elsku Sif sæta systir mín innilega til hamingju með afmæli í dag, hlakka til að koma vestur og hitta þig i dag. Það eru ekki nema 2 dagar til jóla og þá á Jóhannes afmæli, ástin mín til hamingju með það. Telma er fyrir vestan og er búin að vera síðan á mánudaginn, en ég get ekki beðið eftir að sjá hana í dag þegar ég fer vestur. En ég er að fara í jólafrí eftir 6 tíma jibbííí.

Nenni ekki að blogga meira, en ég vildi bara óska þeim sem að lesa síðuna mína gleðilegra jóla.

Gleðileg jól og farsælt komandi ár

Kemur nýtt blogg sem fyrst kveðja Lea Hrund :lol:

bara 17 dagar til jóla

Wed, 07 Dec 2005 16:31:29 GMT

Jæja það styttist í jólin.

Jóhannes var að klára 3 prófið í dag, og svo er hann að fara að kynna verkefnið sitt á Grand hótel á föstudaginn. Hann er algjör snilli maðurinn minn. En svo fer hann í augnkúrsinn og í próf 21 des og þá er þessi törn búin. En það eru 11 dagar í Sif sætu systir mína. Það verður alveg geggjað að fá hana heim :lol: jebb. Og við förum vestur 22 des sem er afmælið hennar Sifjar, ég er í fríi 23 og 27 des sem betur fer en Jóhannes er í fríi til 9 jan og það verður erfitt fyrir mig að þurfa mæta í vinnuna þá dagana. En það hefst.

En við skelltum okkur vestur á helginni, ég, Telma, Gerður og Sara, það gekk bara ágætlega þar til við komum í Staðarsveitina þá var komið brjálað rok og bilur. Og heiðin var að verða ófær að okkur fannst. En þetta hafðist nú að lokum enda keyrði ég á 30 km hraða alla heiðina. En það voru allir rosalega ánægðir þegar við vorum komnar heilar á Hellissandi. En talandi um Hellissand það er orðið svo æðislega jólalegt hjá mömmu og pabba eins og alltaf. Það var dekrað við okkur með góðum mat og fínheitum eins og venjulega þegar mamma og pabbi eiga í hlut. En leiðinlegast var að pabbi var á sjó og var bara heima á kvöldin. En við bökuðum og bökuðum smákökur alla helgina og maður fór þreyttari heim en þegar við komum. Þetta var rosalega gaman en samt strembið líka. En þetta var skemmtileg stelpnafer.

Ég og Birna ætlum að kíkja á óléttu konuna hana Gerði frænku í kvöld og kjafta frá okkur allt vit eins og okkur einum er lægið. En svo á morgun er ég að fara að hitta foreldrafélagið í leikskólanum hennar Telmu, en við erum að fara að merkja jólapakkana frá jólasveininum fyrir jólaballið. En það er meira vinna en skemmtun. En svo er auðvitað Idolpartý hjá tengdó á föstudaginn en ég og Telma förum einar því Jóhannes er á læknaráðstefnunni að kynna verkefnið sitt. En ég er orðin voða spennt fyrir jólnum og bíð bara eftir því að Jóhannes sé búin í prófunum svo við getum farið að njóta þess að vera saman. En jæja ég ætla að fara koma mér heim bæjó Lea

Ég er orðin algjör bloggari

Mon, 28 Nov 2005 13:02:03 GMT

Jæja smá færsla frá mér. Við mæðgur vorum einar heima á föstudaginn en Jóhannes var á vakt en við ákváðum að skella okkur í idolpartý hjá tengdó, það var rosalega kósý. En á laugardaginn þá áttum við rosalega góðan dag. Vorum öll uppí rúmi til ca 12:30 og vorum bara að spjalla og leika okkur. En svo svo fór ég á jólahlaðborð með vinnunni og það var geggjað gott en Jóhannes var að lesa fyrir próf og Telma fór í smá heimsókn til ömmu, afa og Gunnars frænda á meðan. En það var auðvitað dekrað við hana eins og alltaf. Svo í gær þá fórum við mæðgur að útrétta aðeins, kaupa jólaséríur og svoleiðis. Og svo var allt skreytt þegar við komum heim og það er orðið rosalega jólalegt hjá okkur. En á næstu helgi þá ætlum við mæðgur að skella okkur vestur, Sara og Gerður ætla að koma með okkur og æltum við að baka nokkrar sortir af kökum. Gaman gaman. Jæja þá eru 20 dagar í Sif sætu, guð það verður svo gaman að sjá hana.

En eitt sem að mig langar að vita, eruð þið að fylgjast með Íslenska bachelornum ??? Hvað finnst ykkur um þennan þátt og síðustu rósaafhendingu ???

En ég ætla nú að láta þetta duga í bili kveðja Lea